Мас тардыһыытыгар аан дойду чөмпүйэнээтэ эһиил Саха сиригэр ыытыллыаҕа
19.12.2017
2018 сыл сэтинньитигэр мас тардыһыытыгар аан дойду чөмпүйэнээтэ Дьокуускайга буолуоҕа. Бу туһунан мас тардыһыытыгар норуоттар икки ардыларынааҕы федерация генеральнай сэкирэтээрэ Иннокентий Григорьев иһитиннэрдэ.
Күрэхтэһии Саха сирин киин куоратыгар сэтинньи 22-25 күннэригэр ыытыллара былааннанар. Тэрийээччилэр чөмпүйэнээккэ 40 судаарыстыба күүстээх мадьынылара кытталларын күүтэллэр.
Санатар буоллахха, мас тардыһыытыгар аан дойду чөмпүйэнээтэ Дьокуускайга 2014 сыллаахха ыытыллыбыта.
Роман Попов, «Саха сирэ» хаһыат
+1
+1
+1
+1
+1
+1
+1