Мас тардыһыытын аан дойдутааҕы чөмпүйэнээтигэр 44 дойдуттан кыттыахтара

08.06.2022

Бөлөххө киир:

Мас тардыһыытын аан дойдутааҕы чөмпүйэнээтэ Дьокуускайга бэс ыйын 21-27 күннэригэр ыытыллаары турар. Уопсайа күрэхтэһиигэ 44 дойдуттан 230 спортсмен кыттара былааннанар.

Чөмпүйэнээт эр дьоҥҥо 9 ыйааһыҥҥа (60, 65, 70, 75, 80, 90, 105, 125, 125 киилэттэн үөһээ), дьахталларга биэс ыйааһыҥҥа (55, 65, 75, 85, 85 киилэттэн үөһээ) ыытыллар.

Арассыыйа сүүмэрдэммит хамаандатыгар Герман Игнатьев (60 кг), Дмитрий Саввин (65 кг), Валерий Никаноров (до 70 кг), Семен Ануфриев (75 кг), Станислав Иванов (80 кг), Павел Черноградскай (90 кг), Иван Галкин (125 кг), Виктор Колибабчук (125 кг үөһээ), Наталья Черноградская (55 кг), Нарыйаана Трофимова (65 кг), Ирина Севрюк (75 кг), Мохинур Абдузойирова (85 кг), Татьяна Баишева ( 85 кг), Кристина Кочесокова (абсолютнай категория) киирдилэр диэн СИА суруйар.

Ыспыраапка:

Мас тардыһыытыгар аан дойду бастакы чөмпүйэнээтэ 2014 сыллаахха Дьокуускайга ыытыллыбыта. Онно 35 дойдуттан 145 мадьыны кэлэн күрэс былдьаспыта. Эр дьон сэттэ, дьахталлар биэс ыйааһыҥҥа ким күүстээҕин быһаарсыбыттара.

edersaas.ru