Успуорт

Мас тардыһыыта олимпийскай көрүҥ буолар кэскиллээх

Мас тардыһыытыгар аан дойду чемпионата  быйыл Саха сиригэр бэс ыйын 21-27 күннэригэр ыытыллар.

 

Чемпионат сорох ыйааһыннарга күрэхтэһиилэрэ бэс ыйын 23-24 күннэригэр “Триумф” успуорт комплексыгар буолуохтара. Онтон абсолютнай түмүк күрэхтэһиилэр бэс ыйын 25 күнүгэр Үс Хатыҥҥа тэриллиэхтэрэ.

«Аан дойду чемпионатыгар кыттарын туһунан 41 дойду, 150-ча спортсмен бигэргэттэ. Элбэх “ыалдьааччы” кэлэрэ күүтүллэр. Олус элбэх үлэ, ол иһигэр Александр Акимов салайар аан дойдутааҕы федерация көмөтүнэн,  ыытылынна дии саныыбыт. Хаһан эмэ Арассыыйа спортсменнара успуорт араас көрүҥэр кытталларыгар  сааҥсыйа уһуллуоҕар эрэнэбин. Экспертэр этэллэринэн, мас тардыһыыта инникитин успуорт олимпийскай көрүҥүнэн буолар кэскиллээх”, — диэтэ СӨ Ил Дархана Айсен Николаев.

Айсен Николаев ону таһынан бүгүн мас тардыһыытын аан дойдутааҕы кэнгириэһигэр кыттарын, онно мас тардыһыыта сайдыытын туһунан кэпсэтиэхтэрин туһунан иһитиннэрдэ.

Надежда ЕГОРОВА, «Саха сирэ», edersaas.ru

0
0
Telegram @edersaas20