Ыччакка Арассыыйаҕа бастыыр иһин мас тардыһыытыгар күрэхтэһии Владикавказка буолла. Улахан түһүлгэҕэ Саха сирин спортсменнара ситиһиилээхтик кытыннылар.
Саха сириттэн 14 спортсмен күөн күрэскэ кытынна. Бу туһунан мас-рестлинг Бүтүн Арассыыйатааҕы федерацията иһитиннэрдэ диэн СИА бэлиэтиир. Ыччаттар кыайыылааҕынан уонна призердарынан буолбуттара, бу кинилэр үчүгэй бэлэмнээхтэрин, чаҕылхай кыттыыларын туоһута.
Ол курдук, Эдгар Игнатьев уонна Дмитрий Фокин 60 кг ыйааһыннаахтарга кыһыл уонна үрүҥ көмүс мэтээллэр хаһаайыннарынан буоллулар.
Айсен Мигалкин уонна Василий Захаров (70 кг) кыһыл көмүһү уонна боруонсаны ылары ситистилэр.
Станислав Андросов уонна Геннадий Иванов (80 кг ) кыһыл уонна үрүҥ көмүс мэтээллэринэн наҕараадаланнылар.
Сарыл Сивцев 90 кг ыйааһыннаахтарга кыһы көмүһү ылла.
Евгений Попов 105 кг үөһээ ыйааһыннаахтарга кыһыл көмүс мэтээл хаһаайынынан буолары ситистэ.
Кыргыттарга 50 кг үөһээ ыйааһыннаахтарга Сахалита Винокурова боруонсанан наҕараадаланна.
Кэскилээнэ Федотова (60 кг) боруонсаны ылла.
Фина Дмитриева (70 кг) эмиэ боруонсаны ылары ситистэ.
Саина Томская 80 кг ыйааһыннаахтарга үрүҥ көмүскэ тигистэ.
+1
+1
+1
+1
+1
+1
+1