Мас-рестлиҥҥэ аан дойду чөмпүйэнээтигэр 44 дойду кыттарын бигэргэттэ

Ааптар: 
Бөлөххө киир:

Туймаада ыһыаҕын биир сүрүн түһүлгэтинэн мас-рестлиҥҥэ аан дойду чөмпүйэнээтэ буолуоҕа. Чөмпүйэнээт бэс ыйын 21-27 күннэригэр Дьокуускайга ыытыллыаҕа. «Үс Хатыҥҥа» мунньах кэмигэр Ил Дархан Айсен Николаевка СӨ Успуорка уонна физическэй култуураҕа миниистирэ Леонид Спиридонов тэрээһин үлэтин туһунан иһитиннэрдэ.

Күрэхтэһии бастакы киирсиилэрэ «Өрөгөй» успуорка бэлэмнээх буолуу киинигэр, салгыы финаллааҕы киирсиилэр «Үс Хатыҥҥа» ыһыах кэмигэр ыытыллыахтара. Бэҕэһээҥҥи күн туругунан, күрэхтэһиигэ 44 дойдуттан 230 мадьыны илин-кэлин түсүһэргэ бэлэмин биллэрбит.

Бу улахан суолталаах күрэхтэһиигэ Арассыыйа уонна тас дойдулар бастыҥ мадьынылара кыттыахтара. Чөмпүйэнээт кэмигэр мас-рестлиҥҥэ норуоттар икки ардыларынааҕы федерация конгресс былаанныыр.

Манна эбэн суруйдахха, мас-рестлиҥҥэ федерация быһаарыытынан, сыллата бэс ыйын төрдүс субуотатыгар мас-рестлинг күнүн бэлиэтиир буолуохпут. Бу үөрүүлээх күҥҥэ анаан успуорт миниистирэ бэс ыйын 25 күнүгэр «Үс Хатыҥҥа» «Сэргэ Мадьыны» үөрүүлээх арыллыыта буоларын туһунан иһитиннэрдэ.

Итиэннэ быйылгы ыһыах биир сүрүн тэрээһининэн «Азия оҕолорун» уотун Приморскай кыраайга туттарыы церемонията буолуоҕа.

СИА.

+1
0
+1
0
+1
0
+1
0
+1
0
+1
0
+1
0