Мария Орлосова: «Мүөтү бэс ыйыгар нэдиэлэҕэ биирдэ хомуйабыт»
Бүлүү улууһун Чинэкэ олохтооҕо, элбэх оҕолоох эдэр ийэ Мария Орлосова олус интэриэһинэй дьарыктаах. Кини тигээйилэри иитэр. Бу туһунан bylyy_uluuha суруйар.
edersaas.ru
2017 сыл сайыныгар Бүлүү улууһун дьаһалтатын ыҥырыытынан Агробизнес кадрдарын эбии бэлэмнээһин институтун лектора Валентин Шилов кэлэн «Технология развития и содержания медоносных пчел» диэн ыыппыт кууруһугар сылдьан баран, дьиэ кэргэнинэн тигээйи иитэргэ быһаарыммыттар.
Ол туһунан Мария маннык кэпсиир: «Аан бастаан Казань куораттан 7 «пчелопакеты» сакаастаан ылбыппыт. 2018 сыллаахха Хабаровскайтан уонна Амурскай уобаластан эбии хаһы да ылбыппыт. Тигээйилэрбитин аҕалыыга улуус баһылыга С.Н.Винокуров уонна тыа хаһаайыстыбатын департаменын салайаачыта П.П. Иннокентьев көмөлөспүттэрэ, онон кинилэргэ махталбыт улахан. Мүөтү бэс ыйыгар нэдиэлэҕэ биирдэ, от ыйыгар нэдиэлэҕэ иккитэ хомуйуллар. Мүөппүтүн нэһилиэнньэҕэ, Бүлүү куоратыгар атыылыыбыт.
Тигээйи иитиитэ, керүүтэ-харайыыта син биир элбэх сыраны эрэйэр, онно миэхэ кэргэним, ийэм, оҕолорум күүс-көмө буолаллар.«, — диэн кэпсиир.