СӨ Ил Дархана Айсен Николаев бүгүҥҥү Анал этиитигэр олох бары хайысхатын барытын таарыйда. Олортон биир суолталааҕынан дьиэ кэргэҥҥэ сыһыаннаах этиитэ буолар.
“Ийэ Албан аата” II истиэпэннээх уордьан хаһаайката, аҕыс оҕолоох Дьокуускай куорат олохтооҕо Мария Дорофеева:
— Ил Дархан Айсен Сергеевич Николаев Анал этиитигэр сырыттым, барытын иһиттим. Этиилэрэ барыта сөптөөхтөр, туһалаахтар. Кэлэр сылы Ийэ сылынан биллэрэрин, элбэх оҕолоохторго көрүллэр өйөбүллэри, биэстэн элбэх оҕолоох ыалы баай-дуол нолуогуттан босхолуурга диэн этиитин сэҥээрдим. Бу иннинэ Ийэ сыла биллэриллибитин өйдөөбөппүн. 100 тыһыынча солкуобай оҕолоох да, саҥа төрүүр даҕаны ыалга улахан көмө дии саныыбын.
Биир бэйэм аҕыс оҕолоох ийэ буоларым быһыытынан (улахаммыт Владививостокка магистратураҕа үөрэнэр, кырабыт 2-тин туолаары сылдьар), Ил Дархан бүгүҥҥү этиитин биһирии иһиттим, — диэн кэпсиир.
Людмила ПОПОВА, “Саха сирэ” хаһыат, edersaas.ru