Марий Эл баһылыга Александр Ефстифеев Саха АССР 100 сылынан эҕэрдэлээтэ
Саха АССР үбүлүөйүнэн өрөспүүбүлүкэҕэ бу күннэргэ араас тэрээһиннэр ыытылла тураллар. Маны сэргэ Арассыыйа субъектарын баһылыктара үбүлүөйүнэн бэйэлэрин эҕэрдэлэрин ыыталлар. Марий Эл Өрөспүүбүлүкэтин баһылыга Александр Евстифеев Саха сирин олохтоохторун уонна Ил Дархан Айсен Николаевы Саха АСССР төрүттэммитэ 100 сылынан эҕэрдэлээтэ.
«Саха Өрөспүүбүлүкэтэ баай устуоруйалаах, хатыламмат айылҕалаах ураты кыраай. Эрэгийиэн кылаабынай баайынан кини олохтоохторо буолаллар», – диэн эҕэрдэтигэр Александр Евстифеев эттэ.
«Сүүс сыллаах үбүлүөйү өрөспүүбүлүкэ экэниэмикэ уонна социальнай эйгэ салааларыгар дьоһун ситиһиилэрдээх көрүстэ. Онон кэлэр сүүс сылга Саха сирэ өссө чэчирии сайдыаҕа, туруоруммут соруктарын барытын ситиһиэҕэ» , — диэн этэн туран, өрөспүүбүлүкэ Ил Дарханыгар ситиһиилэри, кытаанах доруобуйаны, үтүөнү, этэҥҥэ буолууну баҕарда.
edersaas.ru
+1
+1
+1
+1
+1
+1
+1