Бүлүү өрүс саамай улахан салаатыгар — Марха өрүскэ саҥа муостаны тутуу 2015 сыллаахха саҕаламмыта.
Муоста 560, 104 м уһуннаах, үрдүгэ 23,45 м, алта тирэхтээх, онтон иккитэ биэрэк үрдүгэр, түөрдэ өрүскэ бааллар. Тимир көлөлөр ааһар сирдэрин кэтитэ 7 миэтэрэ. Тутуу генеральнай бэдэрээтчитэ – маннык хабааннаах муосталары тутар үөрүйэхтээх «Сибмост» ААУо (Новосибирскай куорат) буолар. Бу күннэргэ күргэ систэрин бастакы арытын үөрүүлээх быһыыга-майгыга уурдулар. Тутуу уопсай суумата — 5 миллиард солкуобай кэриҥэ. «Бүлүү» суол управлениетын пресс-сулууспата иһитиннэрбитинэн, муоста быйыл үлэҕэ киллэриллиэхтээх.
Биһ. корр., edersaas.ru
.
+1
+1
+1
+1
+1
+1
+1