Маргарита Игнатьева: Лабораториялар ахсааннара элбиэҕэ...
· - Олох-дьаһах

Маргарита Игнатьева: Лабораториялар ахсааннара элбиэҕэ

Өрөспүүбүлүкэ кылаабынай бырааһа Маргарита Игнатьева быһа сибээс кэмигэр хоту улуустарга лабораторнай чинчийии боруобатын тириэрдиигэ ыарахаттар баалларын эттэ.

edersaas.ru

«Билиҥҥитэ өрөспүүбүлүкэ үрдүнэн коронавирус анаалыһын оҥорууга 15 лаборатория үлэлиир. Мантан 11-рэ Дьокуускай куоракка, түөрдэ улуустарга. Лабораториялар күннэтэ күнүстэри-түүннэри үлэлииллэр. Лабораннар сууккаҕа  6000 чинчийиини оҥороллор. Өссө улуустар боруобаларын ыыттахтарына үлэлэрэ хас да бүк үрдүүр», —  диэн Маргарита Иггнатьева иһитиннэрдэ.

Өрөспүүбүлүкэ бырабыыталыстыбата ПЦР-лабораторияларын Бүлүү уонна Мэҥэ Хаҥалас улуустарыгар анаан атыылаһарга үп-харчы көрбүт.

Санатан эттэххэ, Ил Дархан Айсен Николаев  Арассыыйа Федерациятын Бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ  Юрий Трутневка ыраах сытар оройуоннааҕы киин балыыһалары ПЦР оборудованиетынан хааччыйыы боппуруоһун көтөхпүтэ.

 

СӨ Ил Дарханын уонна Бырабыыталыстыбатын пресс-сулууспата

Хаартыска eadaily.com

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

двадцать − 14 =