Марат Хуснуллин: Бырабыыталыстыба хамыыһыйата булгуччулаах техкөрүүнү тохтотор туһунан “Биир ньыгыл Арассыыйа” баартыйа этиитин биһирээтэ
“Биир ньыгыл Арассыыйа” баартыйа парламентарийдара миниистирдэр кэбиниэттэрин кытта туһааннаах сокуон барылын чочуйуохтара, Судаарыстыбаннай Дуумаҕа киллэриэхтэрэ уонна суһаллык саҥа ыҥырыылаах мунньахха ылыныахтара. Бу туһунан “Биир ньыгыл Арассыыйа” генсэбиэтин сэкирэтээрэ, Федерация Сэбиэтин бастакы вице-спикерэ Андрей Турчак эттэ.
“Биир ньыгыл Арассыыйа” бас билээччи эрэ уларыйдаҕына булгуччулаах тэхиньиичэскэй көрүүнү хаалларарга этэр. Уонна массыына эбэтэр матасыыкыл түөртэн ордук сыллаах буоллаҕына. Онтон атын түгэннэргэ баҕа өттүнэн барыыны сүбэлиибит. Бу көҕүлээһин физическэй сирэйдэргэ эрэ тарҕаныахтаах. Кэмиэрчэскэй тырааныспарка туһаныллыбат”, — диэтэ Андрей Турчак.
Вице-премьер Марат Хуснуллин салайар бырабыыталыстыба хамыыһыйата көрүүнү судургутутууну биһирээтэ.
“Биир ньыгыл Арассыыйа” киллэрбит этиитэ турбута ыраатта. Биһиги барыллаан бу боппуруоһу ИДьМ кытта дьүүллэспиппит. Бүгүн хамыыһыйаҕа бу санааны өйөөтүбүт”, — диэтэ Бырабыыталыстыба бэрэссэдээтэлин солбуйааччы.
Андрей Турчак “Биир ньыгыл Арассыыйа” норуодунай бырагырааматыгар массыынаны уонна матасыыкылы тэхиньиичэскэй көрүүнү судургутутууга элбэх этии киирбитин иһитиннэрдэ.
”Тэхкөрүү туһанылла сылдьар быраабылата эргэрдэ, 1994 с. ылыныллыбыта. Бары процедуралар аатыгар эрэ буолаллар. Ону үгүстэр эбии нолуок эбэтэр ОСАГО полиһын оҥотторууга түһээн курдук көрөллөр”, — диэтэ “Биир ньыгыл Арассыыйа” Генсэбиэтин сэкирэтээрэ.
Арассыыйа Бырабыыталыстыбатын саайтыттан
Бэлэмнээтэ Женни Стрюкова
Хаарытска: тустаах саайтан