Бу күннэргэ 12 уопуттаах сүүрүүк-спортсмен Дьокуускайтан Магадаҥҥа марафоҥҥа турунна.
edersaas.ru
Марафонец-спортсменнар 1902 км сүүрэр соруктаахтар. Кинилэр өрөспүүбүлүкэ, Россия, Европа уонна аан дойду таһымнаах чөмпүйүөннэр. Эстафета саамай эдэр кыттааччыта 23-һэ, саамай саастаахтара – 73-һэ.
Спортивнай тэрээһин «Мэҥэ өйдөбүл» бырайыак чэрчитинэн ыытыллар. Бу күннэргэ дойду үрдүнэн Улуу Кыайыы 73-с сылыгар анаммыт «Синий платочек» диэн аахсыйа бара турар. Саха сирин марафонецтара эстафетаны муус устар 2 күнүгэр Магадан уобалаһын спортсменнарыгар туттарыахтара. Сүүрүүктэр «Халыма» федеральнай трассата ааһар Таатта, Томпо, Өймөкөөн улуустарыгар тохтоон ааһыахтара.
Саха сирин марафонецтарын ыраах айаҥҥа атаарарыгар «Мэҥэ өйдөбүл» партийнай бырайыак салайааччыта Игорь Никитин халлаан күөҕэ өҥнөөх былааттары баайыы сиэрин-туомун ыытта.
— Бу аахсыйа биһиги эйэлээх олоххо олорорбут туһугар олохторун толук уурбут эһэлэрбитигэр уонна хос эһэлэрбитигэр ананар. Суолталаах тэрээһин соруга – кинилэр сырдык ааттарыгар сүгүрүйүү, — диэн бэлиэтээтэ Игорь Никитин.
Елена ПОТОЦКАЯ, «Саха сирэ» хаһыат, edersaas.ru
Хаартыска: СИА саайтыттан.