Дьокуускай куорат 1200-тэн тахса олохтооҕо «Sinet Team Yakutsk Marathon» кытынна.
От ыйын 2 түүнүттэн 3 күнэ үүнэр күнүгэр Дьокуускайга маассабай марафон ытылынна. Манна кыттааччылар 5 км, 10,5 км, 21,1 км уонна аан бастаан 42,2 км сүүрдүлэр. Маны т аһынан оҕолор 500 м сүүрүүлэрэ тэрилиннэ. Барыта 1222 киһи кыттыыны ылла. Бу туһунан Дьокуускай куорат дьаһалтатын пресс-сулууспата иһитиннэрэр.
21,1 км Дьокуускай куорат баһылыга Евгений Григорьев уонна куорат баһылыгын солбуйааччы Георгий Гаврильев сүүрдүлэр.
«Хас биирдии стартка тахсыбыт уонна дистанцияларын түмүктээбит дьон, бастатан туран, бэйэлэригэр кыайыыланнылар. Успуордунан дьарыктаныҥ, бэйэҕитигэр саҥа кыахтары арыйыҥ!» — диэтэ Евгений Григорьев.
«Sinet Team Yakutsk Marathon» сүүрүү сааһыттан тутулуга суох дьону успуордунан тиһиктээхтик дьарыктанарга, спортивнай маастарыстыбаны үрдэтэргэ, кылгас уонна уһун дистанцияларга сүүрүүгэ спортивнай ситиһиилэнэргэ ыҥырар сыаллаах-соруктаах ыытыллар.
Марафону «Fitness Life» (генеральнай дириэктэр Виктор Салтыков) фитнес-кулууп Дьокуускай куорат дьаһалтатын өйөбүлүнэн тэрийдэ. Спонсор – Sinet Team @sinet_team.
Санатан эттэххэ, «Sinet Team Yakutsk Marathon» полумарафон быһыытынан Дьокуускайга 2016 сылтан саҕаламмыт.
Хаартыскаларга Семен Винокуров түһэриилэрэ