«Манчаары оонньууларын» спортсменнара быһыыны ылаллара ирдэнэр

Бөлөххө киир:

Хамсыгынан сибээстээн «Манчаары оонньууларын» балаһыанньатыгар уларытыылары киллэрдилэр. Кыттааччылар ахсааннара, сүүмэрдиир түһүмэхтэр тэрээһиннэрэ уларыйыахтара. Ону таһынан, хас биирдии спортсмен коронавирус утары быһыыны хайаан да ылыахтаах диэн пууну киллэрдилэр.

edersaas.ru

Бу туһунан СӨ физическай култууратын уонна успуордун миниистирэ Иннокентий Григорьев  иһитиннэрдэ.

Миниистир эппитинэн, быйыл хамсыгынан сибээстээн, сүүмэрдиир квалификация толорор күрэхтэһиилэр буолбаттар. Маҥнайгы икки түһүмэхтээх  сүүмэрдиир күрэхтэһиилэр улуустарга ыытыллыахтара. Салгыы талыллыбыт күрэхтэһээччилэр финалга кыттыахтара. Санатар буоллахха, финал Бэрдьигэстээххэ от ыйын 6-тан 12-гэр диэри 15 көрүҥүнэн ыытыллыаҕа. Улуустар маҥнайгы уонна иккис бөлөхтөрүгэр 50-нуу спортсмен, үһүс бөлөххө – 40 спортсмен, төрдүс бөлөххө – 30 спортсмен кыттыахтара. Роспотребнадзор уонна Доруобуйа харыстабылын министиэристибэтин ирдэбиллэринэн 55-тэн үөһээ саастаах спортсменнар кыттыбаттар.

«Оонньууларга көрөөччүлэр киирэллэр дуо?» диэн ыйыытыыга миниистир маннык эппиэттээтэ:

Бары билэрбит курдук, билигин дойду үрдүнэн маассабайдык быһыыны биэрии  саҕаланна. Онон Роспотребнадзор уонна Доруобуйа харыстабылын министиэристибэтин этиитинэн, хас биирдии кыттааччы-спортсмен коронавирус утары быһыыны ылара ирдэнэр. Оттон көрөөччүлэр тустарынан киһи тугу да этэр кыаҕа суох. Ыам ыйын диэки биллиэҕэ. Бу, биллэн турар, дойду уонна өрөспүүбүлүкэ эпидемиологическай  балаһыанньатыттан  тутулуктаах, — диэн эттэ.

Sportyakutia.ru саайтан

+1
0
+1
0
+1
0
+1
0
+1
0
+1
0
+1
0