«Манчаары оонньууларын» кэмигэр биир даҕаны дьаҥнаабыт киһи баара биллибэтэ

Хаҥаластааҕы уонна Горнайдааҕы судаарыстыбаннай сүрүн санитарнай быраас Афанасий Алексеев Бэрдьигэстээххэ буола турар «Манчаары оонньууларын» кэмигэр биир даҕаны киһи дьаҥнаабата диэн иһитиннэрдэ.

Ол да буоллар, санитарнай быраас күрэхтэһиигэ ПЦР-анаалыһы туттаран кэлбит кыттааччылар дьиэлэригэр тиийэн бэйэни хааччахтааһын эрэсиимин тутуһалларыгар сүбэлээтэ.

«Манчаары оонньууларын» кэмигэр Бэрдьигэстээххэ барыта 22 медпуун, «Бүлүү» федеральнай трассаҕа үс пуун, итиэннэ улуус икки нэһилиэгэр изолятордар тэриллибиттэрэ. Күрэхтэһии кэмигэр биир даҕаны киһи хоруона дьаҥынан ыалдьыбыта бэлиэтэммэтэ», — диэн Афанасий Алексеев суруналыыстарга эттэ.