Маны аах Успуорт

От ыйын 7 күнүгэр «Манчаары оонньууларын» арыллыытын быһа эпииргэ көрөөрүҥ

XXI төгүлүн ыытыллар «Манчаары оонньууларын» үөрүүлээх арыллыытын от ыйын 7 күнгэр «Саха» НКИХ ханаалыгар 21.00 чаастан быһа эпииргэ көрүҥ. 

Бэрдьигэстээххэ «Чыпчаал» стадиоҥҥа буолар театрализованнай туруорууга П.А. Ойуунускай аатынан Саха академическай тыйаатырын, Кыыл Уолун аатынан Үҥкүү национальнай тыйаатырын, судаарыстыбаннай цирк, Олоҥхо тыйаатырын, Г.М. Кривошапко аатынан судаарыстыбаннай филармония, ХИФУ айар кэлэктииптэрин, «Кыталык» үҥкүү ансаамбылын артыыстара кыттыыны ылыахтара. Арыллыы кыттыылаахтара бары коронавируһу утары быһыыны ылбыттара диэн тэрийээччилэр бэлиэтииллэр.

Бэс ыйын 20 күнүттэн Бэрдьигэстээххэ Саха тыйаатырын режиссера Руслан Тараховскай салалталаах бэлэмнэнии үлэтэ буола турар. Оттон «Манчаары оонньууларын» сүрүн чааһын режиссерунан ХИФУ «Сэргэлээх уоттара» киинин дириэктэрэ Алексей Константинов буолар. Кинилэр иһитиннэрэллэринэн, арыллыы уратытык ыытыллыаҕа. Сценарийга Горнайтан төрүттээх норуодунай суруйааччылар Семен уонна Софрон Даниловтар айымньылара төрүөт буолбут. Арыллыы сүрүн тиэмэтэ — кэскиллээҕи анааран көрүү, айти-технологиялар.

«Манчаары оонньууларын» пресс-киинэ.

0
0