«Манчаары оонньууларыгар» анаан сотору кэминэр сайт уонна анал сыһыарыы баар буолуоҕа.
Бу иһитиннэриини түргэнник тиэрдэн иһэргэ, оттон күрэхтэһиини көрүөн баҕалаахтар, успуорду сэҥээрээччилэр көрөр кыахтаналларыгар анаан оҥоһуллар диэн СИА иһитиннэрэр.
«Манчаары оонньууларыгар» сайт уонна сыһыарыы тахсыаҕа. Онон дьон-сэргэ тэрээһин сонунун кэмигэр билэ-көрө олоророругар табыгастаах буолуоҕа«, — диэн успуорт национальнай көрүҥнэригэр өрөспүүбүлүкэтээҕи киин дириэктэрэ Гаврил Мохначевскай социальнай ситимнэринэн быһа сибээс кэмигэр иһитиннэрдэ.
Кини күүрээннээх күрэхтэһиилэр буолуохтарын, түһүлгэттэн саҥа биллэр-көстөр ааттаах-суоллаах спортсменнар тахсыахтарын бэлиэтээтэ. Күрэхтэһиини эрэгийиэн тэлэбиидэнньэтигэр көрдөрүөхтэрэ, суруналыыстар, блогердар сырдатыахтара. Онон «Манчаары оонньууларын» аан дойду хайа баҕарар муннугар ааҕа, билэ-көрө олоруохтара.
«Манчаары оонньууларын» аан бастаан тэрийбит дьон кыһамньыларынан, үтүөлэринэн, сахалыы оонньуулар киэҥ эйгэҕэ биллэн-көстөн барбыттара. Холобур, 50-тан тахса араас дойдуга мас тардыһыытынан үлүһүйэллэр, — диир Мохначевскай. Мас тардыһыытын киэҥник тарҕатыыга «Манчаары оонньуулара» сабыдыаллааҕын бэлиэтиир. Сахалыы атах оонньуулара уонна хапсаҕай Арассыыйа таһымыгар тэриллибиттэрэ, эрэгийиэҥҥэ күрэхтэһиилэр ыытыллаллар. Билигин хапсаҕайга бүтүн Арассыыйатааҕы федерацияны тэрийэргэ докумуоннары бэл»эмнээһин ыытыллар.
+1
+1
+1
+1
+1
+1
+1