Доруобуйа

«Манчаары оонньууларыгар» 66 мэдиссиинэ үлэһитэ үлэлиир

«Манчаары оонньууларыгар» мэдиссиинэ эйгэтиттэн 66 киһи үлэлиир.

Горнай улууһугар «Манчаары оонньуулара» от ыйын 7-11 күннэригэр ыытыллаллар. Эпидемиологическай быһыынан-майгынан күрэхтэһии көрөөччүтэ суох барар. Күрэхтэһиигэ 1800 спортсмен күөн көрсөр.
Ол да буоллар, вакцина икки дозатын ылбыт эрэ спортсменнар кытталлар, ону сэргэ, ПЦР анаалыс ирдэнэр.
Спартакиада саҕаланыан иннинэ мандатнай хамыыһыйа, ол иһигэр эмтиир-чэбдигирдэр физкултуура өрөспүүбүлүкэтээҕи киинэ күрэхтэһиигэ кыттааччылар, тириэньэрдэр, мэдиссиинэ үлэһиттэрэ, иһитиннэрэр-көрдөрөр маассабай сириэстибэ бэрэстэбиитэллэрэ быһыыны ылбыттарын уонна ПЦР түмүгүн туһунан иһитиннэриилэрин федеральнай регистрга бэрэбиэркэлээтилэр.
Спортсменнар уонна да атын кыттааччылар олорор сирдэригэр  мэдиссиинэ пууннара тэрилиннилэр уонна коронавируска күтүрэммит киһи баар буоллаҕына, ханна киллэрэргэ былаан оҥоһуллубут. Горнай киин балыыһатыгар эбии куойкалар бэлэмнэниллибиттэр.
«Манчаары оонньууларыгар» барыта мэдиссиинэ 66 үлэһитэ үлэлиир.
0
0