Маны аах Успуорт

«Манчаары оонньуулара»: Оҕунан ытыыга муҥутуур кыайыылааҕынан Чурапчыттан Дарья Фомина буолла

«Манчаары оонньууларыгар» оҕунан ытыы көрүҥэр муҥутуур кыайыылааҕынан Чурапчыттан Дарья Фомина буолла.

Киниэхэ «Талакаан» тэрилтэ салайааччыта Василий Николаев «Лада Веста» массыына күлүүһүн туттарда.

Оҕунан ытыыга муҥутуур кыайыылаах аатын иһин барыта 135 кыраҕы харахтаах эр дьон, дьахтар уонна оҕолор тэҥҥэ күрэхтэстилэр.

«Манчаары оонньууларын» оҕунан ытыыга муҥутуур кыайыылааҕа Дарья Фомина: «Бэҕэһээҥҥи күрэхтэһиигэ дьахталларга кыайыылаах буолбутум. Бүгүҥҥү муҥутуур кыайыылааҕы быһаарар долгутуулаах күҥҥэ  бастыҥынан ааттаныам диэн бэйэбэр эрэлим суоҕа. Тириэньэрбэр уонна миэхэ ыалдьыбыт дьоҥҥо махтанабын. Массыына хаһаайына буолбуппун өссө да итэҕэйбэккэ турабын», — диэн санаатын үллэһиннэ.

Мария Васильева (СИА) хаартыскаҕа түһэриилэрэ.

0
0