Маны аах Уопсастыба

Малдьаҕардар аҕам саастаах дьоҥҥо аһымал аахсыйаны тэрийдилэр

Ньурба улууһун Малдьаҕар нэһилиэгин кырдьаҕастара кыстыкка киириигэ кинилэргэ анаан аһымал аахсыйа тэриллэрин үөрэ кэтэһэллэр.

Олохтоох бибилэтиэкэр Елена Иванова иһитиннэрбитинэн, бу үтүө  санаа аахсыйата үгэскэ кубулуйбут.
Бу күннэргэ эмиэ «Үтүө дьыала» аахсыйа чэрчитинэн аҕам саастаах, соҕотох олорор уонна оҕолоро атын сиргэ олохсуйан, бэйэлэрэ эрэ олорор  биэнсийэлээх саастаах дьоҥҥо олохтоох дьаһалта көҕүлээһининэн  нэһилиэк тэрилтэлэрин эр дьоно бары мустан, мас хайытан саһааннаан, Эбэбититтэн  муус ылан, босхо көмөнү оҥордулар.

  Өйөбүлүнэн туһаммыт дьон дьаһалта баһылыга Александр Степановка,  баһылык солбуйааччыта Виктор Афанасьевка, Никифор Семенов аатынан кулууп дириэктэрэ  Николай Слепцовка, ыччат лиидэрэ  Петр Даниловка, ойуур хаһаайыстыбатын үлэһитэ  Василий Васильевка, спортсаала дириэктэрэ  Андрей Семеновка, тыа хаһаайыстыбатын исписэлииһэ  Сергей Егоровка, дьаһалта суоппара  Гаврил Касьяновка, дьаһалта харабыла  Леонид Босоевка уонна социальнай үлэһит  Надежда Афанасьеваҕа барҕа махталларын тиэртилэр, чэгиэн доруобуйаны баҕардылар.

Ньурба улууһун Малдьаҕар нэһилиэгин дьаһалтата бу маннык кырдьаҕаһы-кыамматы өйүүр үтүө бачыымы көҕүлээһинэ — бары улуустар нэһилиэктэригэр бастыҥ холобур.

 

Елена ПОТОЦКАЯ, “Саха сирэ” хаһыат, edersaas.ru

 

Хаартыска: Елена Иванова тиксэриитэ.

0
0
Telegram @edersaas20