Максим Терещенко: “Сүрүн болҕомто экологияҕа уонна каадырга ууруллар”

Ааптар: 
Бөлөххө киир:

Бүгүн СӨ бырамыысыланнаска уонна геологияҕа миниистирэ Максим Терещенко социальнай ситимнэргэ быһа эфирэ буолла. Өрөспүүбүлүкэ үгүс олохтоохторо ыйытыылары биэрдилэр.

«Убатыллыбыт айылҕа гааһын собуота тутулуннаҕына, олохтоох каадырдары үлэлэтиэххит дуо?», – диэн ыйыттылар. Онуоха миниистир өрөспүүбүлүкэ салалтата инвестордар иннилэригэр олохтоох каадырдары үлэлэтии боппуруоһун куруук туруорсарын санатта.

Былырыын мотуордара гаас уматыктаах массыыналар (газомоторнай)  айаннарын тэрийбиттэрин кэпсээтэ. Автопробег кыттыылаахтара ханна да тиийдэллэр, дьон-сэргэ олус истиҥник көрсүбүт. Бастаан АЛРОСА-ны кытта ыытабыт диэбиппитигэр бачча кылгас болдьоххо кыаллыбата буолуо диэн саарбахтааччылар баалларын эттэ. Бу айан түмүгэр үгүс эрэгийиэннэргэ маннык уматыкка наадыйыы улааппыта бэлиэтэммит. Ыаллыы эрэгийиэннэри кытта бу боппуруоска бииргэ үлэлэһэр санаалаахтар. “Иркутскайдааҕы ньиэп хампаанньата” автопробегы ыытыыга көмөлөспүтүн бэлиэтээтэ. Маннык уматык кэмчилиирин иһин сэҥээрэлэр эбит. АЛРОСА-ҕа 200 тахса массыына гааһынан үлэлиирин холобурдаата. Миниистир сүрүн болҕомто экологияҕа уонна каадырга уурулларын бэлиэтээтэ.

Өлүөхүмэ оройуонугар хампаанньалар өттүлэриттэн тахсыбыт кэһиилэргэ сыһыаннаах ыйытыыга онно иниспиэктэрдэр бөлөхтөрө үлэлиирин туһунан хоруйдаата. Тустаах хампаанньа лицензиятын былдьыыр эбэтэр үлэтин тохтотор туһунан кэнники иһитиннэриэхпит диэн эрэннэрдэ. Сотору кэминэн СӨ Бырабыыталыстыбатын Бэрэссэдээтэлэ экологтары уонна актыбыыстары кытта көрсүөхтээҕин санатан туран, итиннэ эмиэ санааларын тиэрдэллэригэр сүбэлээтэ.

Убатыллыбыт айылҕа гааһын өссө ханна туһаныахха сөбүй диэн ыйытыыга, кини маны карьерга үлэлиир тырааныспарка  сөбүн эттэ. Жатайдааҕы судоверьфкэ суудуналары бырайыактааһыҥҥа убатыллыбыт айылҕа гааһынан үлэлииллэрин курдук оҥоруохтарын сөп эбит. Тимир суоллар тиэхиньикэлэригэр эмиэ тиэстээһини ааһар.

Миниистиртэн убатыллыбыт айылҕа гааһын сэргэ  компримированнай айылҕа гааһын (КПГ), убатыллыбыт углеводороднай гаас (СУГ) туһунан кытта ыйыттылар. Максим Терещенко компримированнай айылҕа гааһын анал ыгар установкаларга оҥороллорун, куттала суоҕун уо.д.а туһунан кэпсээтэ.

Бэлэмнээтэ Женни Стрюкова.

Хаартыска — СИА.

+1
0
+1
0
+1
0
+1
0
+1
0
+1
0
+1
0