Саха араадьыйатын дириэктэрэ Максим Березин интервьютун «Саха сирэ» хаһыат эрэдээксийэтин суруналыыстара чугастааҕы, атырдьах ыйын 9 күнүнээҕи, нүөмэрбитигэр бэчээттээри бэлэмнии сылдьабыт.
«Саха» НКИК араадьыйатын салайааччыта, уруккута биллэр-көстөр телесуруналыыс Максим Березин ааҕааччыларбыт сөбүлүүр «Итии чэй» рубрикаларыгар ыалдьыттыаҕа.
Кини биир идэлээхтэрин кытта араадьыйанан истээччилэри өссө элбэтэргэ саҥа толкуйдары тобулбут. Эфирин кэмин блоктарга араартаабыт, дьон саамай истэр кэмин чопчулаан онно информативнай өттүн туруорбут, хас блок икки ардын аайы тэтимнээх муусукалаах ырыалары кыбытыаҕа. Билигин саастаах эрэ дьон сүрүннээн истэрин кини соччо астыммат, истээччитин эдэримситэр санаалаах. Мантан да атын саҥаны киллэриитин, сахалыы тыллаах сүрүн араадьыйа өссө хайдах уларыйыаҕын, бу барыта хаһан олоххо киириэҕин — сэрэдэҕэ «Саха сирэ» хаһыакка ааҕаарыҥ («Саха сирэ» хаһыат өрөспүүбүлүкэ үрдүнэн босхо тарҕанар, тираһа 44000 экз.)
Прокопий БУБЯКИН, https://edersaas.ru
P.S. Интервьюну өссө ыла иликпитин быһыытынан, интэриэһиргиир ыйытыыларгытын (өрөбүлгэ диэри) аллараа комментарийга суруйуҥ, Березин хоруйдаабытын хаһыакка ааҕаарыҥ.