Берлиҥҥэ буола турар чэпчэки атлетикаҕа Европа ХХIV-c чөмпүйэнээтигэр дьаадараны анньыыга Арассыыйа спортсменнара Александр Лесной уонна Максим Афонин финалга күрэстэһэр быраабы ылбыттара.
Онно дойду быйылгы чөмпүйүөнэ Александр Лесной дьаадараны 21 миэтэрэ 04 см анньан бэһис көрдөрүүлэннэ. Оттон Арассыыйа үтүөлээх тириэньэрэ Николай Колодко иитиллээччитэ Максим Афонин ахсыс буолла – 20.68.
Бу көрүҥҥэ икки бастакы миэстэни Польша баабыйдара Михай Харатик (21.72) уонна Конрад Буковицкай (21.66) ыллылар. Европа, аан дойду хас да төгүллээх чөмпүйүөнэ Давид Шторль (Германия) пьедестал үһүс үктэлин дабайда —21.41.
Роман ПОПОВ, «Саха сирэ» хаһыат, edersaas.ru
+1
+1
+1
+1
+1
+1
+1