Тырааныспар

«Майа-Төҥүлү-Бороҕон-Хорообут» тыраассаҕа өрөмүөн күөстүү оргуйар

Балаҕан ыйын 16 күнүгэр Саха сирин Бырабыыталыстыбатын бэрэссэдээтэлин бастакы солбуйааччы Дмитрий Садовников Мэҥэ Хаҥалас улууһугар «Майа-Төҥүлү-Бороҕон-Хорообут» тыраассаны сөргүтүү үлэтин  билистэ.

Сөргүтүллэр суол кэрчигин устата — 12 км. 960 миэтирэ. 2019 сылга суол 3 368 км, 2020 сылга 4,8 км оҥоһуллубута уонна бу сылга 4,8 км үлэҕэ киириэхтээх.

Тутааччылар Дмитрий Садовниковка ууну аһардар турбалары ууруу уонна суол сиринэн бүрүллүүтэ түмүктэммитин туһунан дакылааттаатылар. Билигин суол сүрүн бүрүйүүтүн таҥааһын уонна уот ситимин көһөрүү үлэтэ бара турар. Дмитрий Садовников бу үлэ балаҕан ыйын 30 күнүгэр диэри түмүктэниэхтээҕин туһунан санатан эттэ.

Суолу тутуунан 30 киһи дьарыктана сылдьар, 30 тиэхиньикэ үлэҕэ туһаныллар. Вице-премьер үлэни болдьоҕор туттарыы уонна үрдүк хаачыстыбаны тутуһуу сүдү суолталааҕын туһунан эттэ.

«Майа-Төҥүлү-Бороҕон-Хорообут» тыраасса сөргүтүүгэ 115,1 мөл. солк. үбүлээһин көрүллүбүтэ. Үп сүрүнэ 112,8 мөл. солк. федеральнай бүддьүөттэн киирбитэ, өрөспүүбүлүкэ бүддьүөтүттэн 1,1 мөл. солк. киирбитэ уонна олохтоох бүддьүөт 1,2 млн. солк. уйуммута.

«Саха сирэ» хаһыат, edersaas.ru

Хаартыска Зоя Герасимова, «Эркээйи» хаһыат

0
0