Мэҥэ Хаҥалас улууһун Майа сэлиэнньэтин волонтердарын көҕүлээһиннэринэн коронавирус дьаҥын утары үлэлии-хамсыы сылдьар үрүҥ халааттаах аанньалларга анаан сэтинньи ый устата “Эмчиттэргэ махтал!” аахсыйа ыытыллан түмүктэннэ.
Аахсыйа чэрчитинэн атыы-эргиэн кииннэригэр, «Татьяна», “Сатал”, “Уйгууна”, “Дэлэй”, “Экономыч”, «Астык Амтан», “Майа-фирма” икки маҕаһыыныгар, олохтоохтор эмчиттэргэ махталларын биллэрэн, бэлэхтэрин ууралларыгар үтүө санаа долбуурдара турбуттара. Нэдиэлэ ахсын мунньуллубут бородууктаны маҕаһыыннарынан кэрийэн, эмчиттэргэ тиксэриигэ Майабыт бары волонтердара кыттыыны ыллылар, барыта 19 хоппо хомулунна.
Бу аахсыйаны өйөөн кыттыбыт бары үтүө санаалаах дьоммутугар, урбаанньыттарбытыгар, волонтердарбытыгар, ону тэҥэ Ф.Г. Охлопков аатынан орто оскуола кэлэктиибигэр, Иванов В.В. салайааччылаах «Вилена» маҕаһыын үлэһиттэригэр, урбаанньыт Кривогорницын Сергей Геннадьевич уонна Васильева Анна Руслановна салайааччылаах “Дархан” атыы-эргиэн киинин кэлэктиибигэр улахан махталбытын тиэрдэбит. Бука барыгытыгар чэгиэн туругу, дьолу, этэҥҥэ буолууну, бары үчүгэйи баҕарабыт!
@mayasonun Майа сонуннара