Мэҥэ Хаҥалас улууһун Майа сэлиэнньэтигэр бүгүҥҥү өрөгөйдөөх Кыайыы күнүн бэлиэтиир параакка маннык сөмөлүөтү оҥорбуттара дьон болҕомтотун ылла. Бу хаартыскалар батсаабынан тарҕаннылар.
Ыйыталаһан билбиппит, бу эбии үөрэхтээһин киин (дириэктэр Иннокентий Михайлович Скрябин) үлэһиттэрэ «Авиамоделирование» куруһуогу салайар, уруккута байыаннай летчик идэлээх Павел Геннадьевич Попов көҕүлээһининэн «Як-9» сөмөлүөтү онорбуттар эбит.
«Тэрилтэ үлэһиттэрэ бары өрө көтөҕүллэн туран онордубут. Майа олохтоохторо, ордук оҕолор, сэҥээрэ көрдүлэр, аттыгар хаартыскаҕа түһээччи даҕаны элбэх буолла«, — диэн оҥорон таһаарар үөрэх маастара Айал Алексеевич Яковлев кэпсиир.
Кэлин бу оҥоһук сэрии кыттыылааҕар, Мэҥэ Хаҥаластан бастакы летчик дьахтар Татьяна Павловна Кривогорницына аатын үйэтитэр пааматынньык буолуоҕа диэн киин үлэһиттэрэ эрэннэрэллэр.
Айтана Аммосова, edersaas.ru
+1
+1
+1
+1
+1
+1
+1