Магадан уобалаһын Ольскай оройуонугар баар бааһынай хаһаайыстыба иитэр кууруссатын анаалыстааһын, лабораторнай чинчийии түмүгүнэн, РФ Россельхознадзор көтөр кириибин көбүтэр ыарыыны булбуттарын туһунан иһитиннэрбит.
600-тэн тахса көтөрү хаһаайыттарыттан ылбыттар уонна бу кууруссалары суох оҥороллор.
Арассыыйа үрдүнэн сыл саҥатыттан көтөр кириибин дьаҥа 37 көбө сылдьыбыт. Олортон 29 түгэнэ дьиэ көтөрүгэр бэлиэтэммит. Магадан биһиги эрэгийиэммитин кытта массыына суолунан алтыһар.
Онон Саха сирин олохтоохторун Магадан кууруссатын сымыытын, онно бэлэмнэниллибит аһы-үөлү, кууруссаны атыыласпаккытыгар сүбэлииллэр. Көтөр кириибэ олус сыстыганнаах, көтөр бары көрүҥэр улахан кутталаах, тыа хаһаайыстыбатыгар улахан хоромньуну таһаарыан сөп.
Бу туһунан Россельхознадзор Саха сиринээҕи салаатын пресс-сулууспата иһитиннэрэр, сэрэтэр.
Хаартыска datchnik.ru