Муус устар 2 күнүгэр Москва аннынааҕы Долгопруднай куоракка 2017 сыл мас-рестлиҥҥэ Россия чөмпүйэнээтэ ыытыллан түмүктэннэ. Күрэхтэһиигэ Белгородскай, Воронежскай, Калужскай, Московскай, Свердловскай, Смоленскай, Тверской, Томскай, Ульяновскай уобаластар, Хабаровскай кыраай, Кабардино-Балкария, Чувашия, Бурятия, Дагестан, Марий Эл, Татарстан, Саха сирин Өрөспүүбүлүкэлэриттэн уонна Москва, Санкт-Петербург куораттартан барыта 120 спортсмен кыттыыны ылла.
Петр ПАВЛОВ, “Саха сирэ хаһыат, edersaas.ru
Спорт национальнай көрүҥнэригэр киинин анал сулууспата биһиэхэ иһитиннэрбитинэн, чөмпүйэнээти үөрүүлээхтик аһыыга РФ Спорка министиэристибэтин департаменын дириэктэрэ Борис Гришин, РФ Бэрэсидьиэнигэр СӨ Бастайааннай бэрэстэбиитэлэ Юрий Куприянов, Россия мас-рестлиҥҥэ федерциятын бэрэсидьиэнэ Михаил Гуляев, ССРС спордун үтүөлээх маастара Марина Попович, СӨ Спорка миниистирэ Георгий Балакшин, мас-рестлинг аан дойдутааҕы федерациятын генеральнай сэкирэтээрэ Иннокентий Григорьев, Долгопруднай куорат спорка управлениетын начаалынньыгын солбуйааччы Владимир Белолипецкай кыттыыны ыллылар уонна кыттааччылары, судьуйалары, тэрийээччилэри эҕэрдэлээтилэр.
Россияҕа мас-рестлинг сайдыытыгар улахан кылааты киллэрсибиттэрин иһин икки үбүлүөйдээх дьону: Герман Иванович Яковлевы уонна Россия хамаандатын кылаабынай тренерэ Николай Элляевич Константиновы туһулаан эҕэрдэлээтилэр. Ону тэҥэ спорт бу көрүҥүн тарҕатыыга үчүгэй үлэлэрин бэлиэтээн, регионнааҕы салайааччыларга эмиэ Махтал суруктар, өйдөбүнньүк бэлэхтэр туттарылыннылар.
Икки күннээх күрэхтэһии түмүгүнэн кыайыылаахтар уонна призердар быһаарылыннылар. Чөмпүйүөннэр Казахстаҥҥа ыытыллар аан дойду кубогын бастакы түһүмэҕэр кыттар быраабы ыллылар. Оттон призердар Россия мас-рестлиҥҥэ федерациятын тренердэрин быһаарыытынан, кэккэ күрэхтэһиилэргэ кыттыахтара.
Чөмпүйэнээт кыайыылаахтара уонна призерадара
Эр дьоҥҥо:
60 кг: 1. Саввин Дмитрий, 2. Заровняев Иннокентий, 3. Неустроев Дмитрий, 3. Захаров Айаал (бары — Саха сириттэн).
70 кг: 1. Константинов Сергей, 2. Обутов Виктор, 3. Иванов Станислав (үһүөн – Саха сириттэн), 3. Карданов Тимур (Кабардино-Балкария).
80 кг: 1. Пестряков Ньургун, 2. Климовскай Дьулуур (иккиэн – Саха сирэ), 3. Бижоев Алим (Кабардино-Балкария), 3. Ноговицын Дьулустан (Саха сирэ).
90 кг: 1. Черноградскай Павел, 2. Белолюбскай Иван (иккиэн – Саха сирэ), 3. Тлигуров Мурат (Кабардино-Балкария), 3. Готовцев Семен (Саха сирэ).
105 кг: 1. Попов Дмитрий, 2. Докалов Виктор (иккиэн – Саха сирэ), 3. Савинов Роман (Чувашия), 3. Захаров Иван (Хабаровскай).
125 кг 1. Баппагай Эрчим, 2. Ксенофонтов Рустам (иккиэн – Саха сирэ), 3. Дементьев Антон (Томскай), 3. Калинин Роман (Москва).
+125 кг 1. Фролкин Сергей (Саха сирэ), 2. Маркин Андрей (Свердловскай), 3. Пестряков Никита, 3. Нагорнай Дмитрий (иккиэн – Саха сирэ).
Дьахталларга:
55 кг: 1. Осипова Сардаана (Саха сирэ), 2. Болотова Елена (Москва-Бурятия), 3. Черноградская Наталья, 3. Дьячковская Татьяна (иккиэн – Саха сирэ).
65 кг: 1. Севрюк Ирина, 2. Захарова Яна (иккиэн – Саха сирэ), 3. Сулейманова Ферида (Кабардино-Балкария), 3. Белолюбская Екатерина (Саха сирэ).
75 кг: 1. Федоренко Марина, 2. Филатова Сайына (иккиэн – Саха сирэ), 3. Никитина Евгения (Москва), 3. Кайгермазова Кристина (Кабардино-Балкария).
85 кг: 1. Седалищева Саина, 2. Тарасова Вилена (иккиэн – Саха сирэ), 3. Жашуева Оксана (Кабардино-Балкария), 3. Лоцик Мария (Москва).
+85 кг: 1. Григорь Татьяна (Саха сирэ), 2. Осипова Надежда (Чувашия), 3. Тихонова Светлана (Челябинскай), 3. Кочесокова Кристина (Кабардино-Балкария).
Петр ПАВЛОВ, “Саха сирэ хаһыат, edersaas.ru