Маасканы устар өссө эрдэ

Бөлөххө киир:

СӨ Ил Дархана Айсен Николаев быһа эпииригэр ковид балаһыанньатын туһунан боппуруос болҕомто таһыгар хаалбата.

«Пандемия боппуруоһа куруук «кыһыл линияҕа» сылдьыбыта. Билигин «кыһыл линия» диэн суох. Ол аата пандемия боппуруоһа аны турбат диэн дуо?» -– диэн ыытааччы ыйытта.

Айсен Николаев: «Аны коронавирус уочараттаах штамыттан сылтаан,  хаһан да маннык ыксаллаах балаһыанньаҕа үлэлиэхпит суоҕа диэн эрэниэҕи олус баҕарыллар. Ол эрээри, ыһыктынар наадата суох. Тоҕо диэтэххэ, Кытайга, Европа сорох дойдуларыгар, АХШ-ка ыарыы элбии турарын көрө-билэ сылдьабыт. Эпидемиолог-быраастар вирус уларыйан, дьыл тустаах кэмигэр сытыытык киирэр гириипкэ кубулуйуо диэн этэллэр.

Билигин биһиэхэ балаһыанньабыт арыый даҕаны. Бүгүн 87 ыарыһах баара бэлиэтэннэ. Кинилэр уонна ыарыханнык ыалдьыбыттар быһыы ылбатахтар. Быһыыны ылыы наадалаах», -– диэтэ.

Ил Дархан  ону сэргэ кэккэ хааччахтааһыннары  устар туһунан  бүгүн Ыйаахха илии баттаабытын туһунан иһитиннэрдэ. Ол курдук, эргиэн үлэһиттэрэ бэрчээккэ кэтэллэрэ, үлэлиир дьиэлэрин икки чаас буола-буола дезинфекциялыыллара тохтуур буолла. Оттон маасканы уһулуу, дойдуга барытыгар курдук, билиҥҥитэ эрдэ.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0