Доруобуйа Маны аах

Маасканы кэтэри, быһыыны ылары сүбэлииллэр

Тэлэбиисэринэн “Айсен Николаевтыын быһа кэпсэтии” биэрии кэмигэр Дьокуускай куораттан Мария Ксенофонтова төлөпүөннээн: “Коронавируһунан ыалдьыы үрдээбитинэн сибээстээн, чугастааҕы кэмҥэ хааччахтыыр миэрэлэр киириэхтэрэ дуо?”, — диэн ыйытта.

edersaas.ru

“Коронавируһунан ыалдьыбыт киһи ахсаана аан дойдуга, бэйэбит дойдубутугар, өрөспүүбүлүкэҕэ сыыйа үрдээн эрэр. Бу сырыыга туох даҕаны ураты хааччахтыыр миэрэлэр ылыллыбаттара ордук дии саныыбыт. Ону тэҥэ, аҕа саастаах көлүөнэ, ааспат дьарҕа ыарыылаах дьон уопсастыбаннай сирдэргэ, үлэлэригэр мааска кэтэллэригэр сүбэлиибит. Итиэннэ ордук хат быһыыны ылар болдьохторо (ревакцинация) кэлбит дьон быһыыны ылалларыгар сүбэлиибит. Өрөспүүбүлүкэҕэ улахан дьон 82 бырыһыана быһыы ылбыта”, — диэн Айсен Николаев эттэ.

Ил Дархан маасканы кэтэри, быһыыны ылары сүбэлиибит диэн эппитин, дьон модьуйабыт диэтэ диэн сыыһа өйдөөбүтүн тоһоҕолоон ыйар оруннаах.

 

“Саха сирэ” хаһыат, edersaas.ru

Хаартыска: СИАтан.

1
2
Telegram @edersaas20