Мэдиссиинискэй мааскаҕа сыана үүнэ-тэһиинэ суох үрдүүрүн тохтотор сыалтан СӨ Сыана бэлиитикэтин судаарыстыбаннай кэмитиэтэ атыы-эргиэн сыаната муҥутаан эбиллэр кээмэйин туһунан бирикээс таһаарда. 2020 сыл олунньу 4 күнүгэр тахсыбыт ыйаахха олоҕуран, аптекалар фабрикаттан быһа ыллахтарына, оҥорон таһаарааччы сыанатыгар 50% уонна кууһунан хааччыйааччыттан атыыластахтарына, мааска кууһунан бэриллэр сыанатыгар 15% атыы-эргиэн сыанатын эбиэхтэрин сөп.
edersaas.ru
Өскөтүн сыананы аһары үрдэттэхтэринэ, каасса чегын кытта иһитиннэриини СӨ Сыана бэлиитикэтин судаарыстыбаннай кэмитиэтигэр ыытаргытыгар көрдөһөллөр. Сибээскэ тахсар төлөпүөн: (4112) 50-60-26. Электроннай пуочта: rek@sakha.gov.ru, аадырыстара: Дьокуускай куорат, Ленин проспега 28, 5 этээс, 507 хос.
Атыы-эргиэн сыанатын ити ыйыллыбыт кээмэйтэн үрдэттэххэ, дуоһунастаах киһиэхэ (урбаанньыттарга эмиэ) 50 000 солкуобай ыстараап олохтонор. Юридическэй сирэй ыстарааба сыананы үрдэтэн киллэрбит барыһын икки төгүллээх кээмэйэ диэн биэдимистибэҕэ иһитиннэрдилэр.
«Саха сирэ», edersaas.ru
+1
+1
+1
+1
+1
+1
+1