Коронавирус дьаҥын иккис долгуна кэлбитин туһунан бэҕэһээ, алтынньы 7 күнүгэр, СӨ Ил Дархана Айсен Николаев нэһилиэнньэҕэ быһа эпииринэн туһаайыытыгар эппитэ.
Урбаанньыттар бырааптарын көмүскүүр боломуочунай Альбина Кычкина бэҕэһээҥҥи туһаайыыга тирэҕирэн, онно туһуланан атыы-эргиэн эйгэтигэр үлэлиир тэрилтэлэр санитарнай ирдэбили тутуспат буоллахтарына сабыллалларын бэлиэтээтэ.
Кини бары санитарнай ирдэбили тутустахха дьаҥ тарҕаныытын аччатыахха сөп диэн этэр. Онон бары атыы-эргиэн саалаларыгар дьон икки ардыгар уочаракка дистанцияны тутуһуу, мааската, бэрчээккэтэ суох өҥөнү оҥоруу бобуллар. Мааската суох дьону маҕаһыыҥҥа киллэрбэттэр.
Ульяна Захарова, «Саха сирэ» хаһыат, edersaas.ru
+1
+1
+1
+1
+1
+1
+1