Дьокуускайга ааспыт нэдиэлэҕэ бэрэбиэркэ ыытыллыбытын түмүгэр маасканы кэтии эрэсиимин кэһиигэ 33 боротокуол толоруллубут.
Дьокуускай куораттааҕы административнай хамыыһыйа иһитиннэрбитинэн, ааспыт нэдиэлэҕэ мааска эрэсиимин кэспит дьоҥҥо 33 боротокуол толоруллубут. Хамыыһыйа бэрэссэдээтэлинэн Феликс Антонов үлэлиир.
Араас атын дьайыыларга киин куоракка барыта 67 боротокуол толоруллубут. Ол иһигэр:
— айдаарыыга 8 боротокуол;
— быстах кэмҥэ атыылыыр эбийиэккэ 1 боротокуол;
— бөҕү хомуйуу быраабылаларын кэһиигэ 17 боротокуол;
— сир боппуруоһугар 1 боротокуол;
— НТО схематын кэһиигэ 7 боротокуол;
— мааска эрэсиимин кэһиигэ 33 боротокуол.
Хааччахтааһын миэрэлэрин киллэрии кэмиттэн барыта 207 киһиэхэ боротокуол толоруллубута биллэр. Мантан 93 боротокуола суут нөҥүө ааспыт, 91 киһиэхэ сэрэтии бэриллибит уонна иккитигэр дьыала тохтотуллубут.
Роспотребнадзор таһыардьа тахсарга, атыы-эргиэн кииннэригэр, уопсастыбаннай сирдэргэ сылдьарга маасканы кэтэр булгуччу ирдэнэрин этэр. Маны таһынан бэрчээккэни кэтэр уонна социальнай дистанцияны тутуһар эмиэ наада.
+1
+1
+1
+1
+1
+1
+1