Быйыл күһүн Ньурба улууһун Маалыкай орто агрооскуолатыгар 25 миэстэлээх саҥа хотон тутуллан үлэҕэ киирбитэ.
edersaas.ru
Оскуола үлэтин-хамнаһын туһунан учуутал Прасковья Яковлева билиһиннэрэр:
— Хотону оскуола дириэктэрэ Федор Ушканов көҕүлээһининэн быйыл күһүн сылгы көрөр бааза сиригэр учууталлар туппуттара.
Оскуола хотонугар быйылгы кыстыкка 14 хороҕор муостаах кыстаан турар.
Маны таһынан, оскуола бу хотоҥҥо икки козаны эмиэ кыстатар.
Агрооскуола хаһаайыстыбатын сүөһүлэрин икки үлэһит көрөр-истэр.
Орто сүһүөх кылаас оҕолоро сылгы баазатыгар сыл аайы производственнай быраактыканы ааһаллар.
Сайыҥҥы кэмҥэ үлэ уонна сынньалаҥ лааҕырдара тэриллэн үлэлииллэр. Оҕолор настаабынньыктарын кытта быйыл 38 туоннаны оттообуттара.
Онон быйыл оскуола сүөһүлэрэ кыстыгы этэҥҥэ туоруулларыгар эрэллээхпит.
Елена ПОТОЦКАЯ, «Саха сирэ» хаһыат, edersaas.ru