Маай нэһилиэгэ саҥа амбулаторияланна

Ааптар: 
07.01.2021
Бөлөххө киир:

Амма улууһун Маай нэһилиэгэ саҥа амбулаторияланан, олохтоохтор үөрүүлэрэ улахан.

Амбулатория «Доруобуйа харыстабыла» национальнай бырайыагынан тутулунна. Эргэ балыыһа 2018 сылга диэри 1970-с сыллардааҕы тутууга үлэлээбит. Ол дьиэ саахалланар туруктанан, кыһалҕаттан 50 кв.м. иэннээх таҥас сууйар сиргэ көһөрөргө күһэллибиттэр. Төһө да кыараҕастык олорбуттарын, кыһалҕа баарын да иһин, мэдиссиинэ үлэһиттэрэ, дьон-сэргэ күүстээх санааларын, саҥа балыыһа тутулларыгар эрэллэрин төрүт сүтэрбэтэхтэр. Бу туһунан Амма улууһун дьокутааттарын сэбиэтин бэрэссэдээтэлэ Софья Александрова бэлиэтээбит.

СӨ Бырабыыталыстыбатын уонна Доруобуйа харыстабылын министиэристибэтин өйөбүллэринэн, Покровка сэлиэнньэтигэр национальнай бырайыагынан аныгы үйэ ирдэбилигэр толору эппиэттиир саҥа амбулаторияланныбыт. Көмөлөспүт, өйөөбүт дьоҥҥо бука барыларыгар махтал. Бу барыбыт кыайыыбыт, ситиһиибит!”, — диэн махтаммыт.

2018 сыллаахха Софья Александрова көҕүлээһининэн, саҥа амбулаторияны тутарга сир бэриллибитин туһунан улуустааҕы киин балыыһа кылаабынай бырааһа Михаил Архипов бэлиэтээбит. Амбулаторияны тутууга “Сахауниверсал” ХЭУо ылсыбыт.

Саҥа амбулатория анал хостордоох. Манна өссө реаниматологтары бэлэмнииргэ былааннанабыт. Мэдиссиинэ көмөтүн оҥоруу бу саҥа балыыһаҕа өссө күүһүрүө, «Доруобуйа храмынан» буолуоҕа, — диэн Михаил Архипов санаатын тиэрдибит.

Быһаарбыттарынан, бу амбулаторияҕа бэрт сотору кэминэн, телемэдиссиинэ сүбэтэ-амата ыытыллар буолуохтаах. Оччоҕуна, олохтоох быраастар куйаар ситиминэн, онлайн эрэсииминэн өрөспүүбүлүкэ балыыһатын быраастарыттан сүбэни-аманы быһаччы уонна түргэнник ылыахтара дииллэр.

+1
0
+1
0
+1
0
+1
0
+1
0
+1
0
+1
0