Маай бырааһынньыгар хааччахтыыр миэрэлэри ылыныахтара

Бөлөххө киир:

Кэнники күннэргэ өрөспүүбүлүкэҕэ коронавируснай инфекцияны утары быһыы кэлэ турар. Ол туһунан доруобуйа харыстабылын миниистирин бастакы солбуйааччы Алексей Яковлев иһитиннэрдэ.

Ол курдук, кэнники күннэргэ 13 121, бэҕэһээ 2400 устуука быһыы кэлбитэ, бу өрөбүллэргэ өссө 1200 устуука кэлиэхтээх. Вакцинаны улуустарынан тарҕаттылар. “ЭпиВакКорона” быһыы кыраадыһы тутуһарга улахан ирдэбилэ суох буолан, тиэйэргэ-таһарга табыгастаах.

Сааскы кэмҥэ түүҥҥү уонна күнүскү кыраадыс араастаһыыта улахан, тыал-күүс да элбэх, онон тумуулааһын эмиэ эбиллэр. Онон миниистири солбуйааччы үчүгэйдик таҥна сылдьарга, бэйэни харыстанарга, ону тэҥэ, ыһыктынан кэбиспэккэ, маасканы кэтэ, илиини сууна сылдьарга, быһыыны ыларга ыҥырар.

Тоҕо диэтэр, коронавируһунан ыалдьыы намтыы сылдьан баран, кэнники күннэргэ эмиэ эбиллэн эрэр. Муус устар 16 күнүгэр 49 киһи ыалдьыбыта бигэргэннэ. Өрөспүүбүлүкэтээҕи суһал ыстаап Маай бырааһынньыктарыгар маассабай тэрээһиннэри ыытарга хааччахтыыр миэрэлэри киллэрэргэ бэлэмнэнэр. Бу ыарыы тарҕанан эрэр улуустарыгар сыһыаннаах.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0