Маача Нохтуйатыгар генерал Котельниковка өйдөбүнньүк туруорулунна

Генерал-майор Леонид Котельников төрөөбүтэ 125 сылынан кини төрөөбүт-үөскээбит сиригэр — Өлүөнэ Эбэ хотун кытылыгар, Өлүөхүмэ улууһун Нохтуйатыгар, Куупал томторун үрдүгэр өйдөбүнньүк туруорулунна.

edersaas.ru

Өлүөхүмэ сирин чулуу уола Леонид Иванович Котельников – үс сэрии кыттыылааҕа, үс төгүл Бойобуой Кыһыл Знамя уордьанынан наҕараадаламмыт, Москваҕа норуот ополчениетын 1-кы стрелковай дивизиятын хамандыыра 1941 сыл күһүнүгэр кыргыһыы толоонугар охтубута. Москваҕа өстөөҕү аһардыбатаҕа.

Өйдөбүнньүк десаныгар улуус баһылыгын солбуйааччы Оксана Саввинова, Сир оҥоһуутун мусуойун дириэктэрэ Ирина Никифорова, мусуой үлэһитэ Виталий Тюменцев, Маача нэһилиэгин баһылыга Виктор Стояновскай, «Зодиак» кулууп дириэктэрэ Андрей Яныгин, Култуура дьиэтин уус-уран салайааччыта Олеся Курчатова, Маача оскуолатын үөрэнээччилэрэ Аня Яныгина уонна Олег Егоров кыттыыны ыллылар.

Улуу Кыайыы 75 сылыгар, Дойдуга бэриниилээх буолуу сылыгар, Арассыыйа былааҕын күнүгэр тэриллибит бу дьоһун дьаһал үрдүк таһымҥа тэрилиннэ.

Өлүөхүмэ дьоно чулуу биир дойдулаахтарын, генерал-майор Леонид Котельниковы умнубаттар.

Валерий Малышев, «Саха сирэ» edersaas.ru

Ааптар хаартыскаҕа түһэриилэрэ.