Тохсунньу 19 күнүттэн 2019-2020 үөрэх дьылыгар маҥнайгы кылааска киириигэ СӨ үөрэҕин өҥөлөрүн порталын нөҥүө электроннай сайабылыанньаны тутуу саҕаланыаҕа. Ити туһунан СӨ Үөрэҕин уонна наукатын министиэриcтибэтэ иһитиннэрэр.
edersaas.ru
Үйэбит уларыйан, цифровай эйгэ кэҥээн, аны урукку курдук сүүрэн тиийэн илиинэн сайабылыанньаны суруйан биэрии сыыйа суох буолан эрэр. Ол курдук, кэлэр үөрэх дьылыгар оскуолаҕа сурутуу электроннай сайабылыанньатын https://edu.e-yakutia.ru портал нөҥүө 20 муниципальнай оройуон итиэннэ Дьокуускай куорат ылар. Биллэн турар, күнэ-дьыла араастаһар.
Дьокуускай куоракка портал көмөтүнэн сайабылыанньаны тутуу икки түһүмэҕинэн барыаҕа. Бастакы түһүмэх, 2019 сыл тохсунньу 19 күнүттэн сарсыарда 9 ч. 00 мүн. саҕаланар, манна уопсай үөрэхтээһин 11 тэрилтэтэ хабыллар.
1.МОБУ СОШ № 1
2.МОБУ СОШ № 5 имени Н.О. Кривошапкина
3.МОБУ «Городская классическая гимназия»
4.МАОУ «Саха политехнический лицей»
5.МОБУ СОШ № 16
6.МОБУ СОШ № 17
7.МОБУ «Якутская городская национальная гимназия»
8.МОБУ «Саха гимназия»
9.МОБУ СОШ № 31
10.МОБУ СОШ № 33 им. Л.А. Колосовой
11.МОБУ «Саха-корейская СОШ»
Иккис түһүмэх 2019 сыл тохсунньу 26 күнүттэн сарсыарда 9 ч 00 мүн. эмиэ электроннай портал нөҥүө барар. Манна Дьокуускай куорат 32 уопсай үөрэҕин тэрилтэтэ хабыллар:
1.МОБУ НПСОШ № 2
2.МОБУ СОШ № 3
3.МОБУ ООШ № 6
4.МОБУ СОШ № 7
5.МОБУ СОШ № 9 им. М.И. Кершенгольца
6.МОБУ СОШ № 10 им. Д.Г. Новопашина
7.МОБУ СОШ № 12
8.МОБУ СОШ № 13
9.МОБУ СОШ № 15
10.МОБУ ООШ № 18
11.МОБУ СОШ № 19
12.МОБУ СОШ № 20 им. Героя Советского Союза Ф.К. Попова
13.МОБУ СОШ № 21
14.МАОУ СОШ № 23
15.МОБУ СОШ № 24 им. С.И. Климакова
16.МОБУ СОШ № 25
17.МОБУ СОШ № 26
18.МОБУ СОШ № 27
19.МОБУ СОШ № 29
20.МОБУ СОШ № 30 им. В.И. Кузьмина
21.МОБУ СОШ № 32
22.МОБУ СОШ № 35
23.МОБУ НОШ № 36 «Надежда»
24.МОБУ СОШ № 38
25.МОБУ Мархинская СОШ № 1
26.МОБУ Мархинская СОШ № 2
27.МОБУ Кангаласская СОШ им. П.С. Хромова
28.МОБУ Табагинская СОШ
29.МОБУ Тулагинская СОШ
30.МОБУ Хатасская СОШ им. П.Н. и Н.Е. Самсоновых
31.МОБУ Маганская СОШ
32.МОБУ Национальная гимназия «Айыы кыhата».
Сиһилии Дьокуускай куорат уокуругун дьаһалтатын үөрэххэ управлениетын саайтыгар http://yaguo.ru/node/5653 билсиэххитин сөп. Портал үлэтигэр туох эмэ сыыһа-халты тахсар, харгыстар үөскүүр түгэннэригэр төрөппүттэр (сокуоннай бэрэстэбиитэллэр) “Дьокуускай куорат” куораттааҕы уокуругун Үөрэҕин управлениетын информационнай хааччыйыыга салаатыгар (Дьокуускай к., Ломоносов уул., 37-с №-дээх дьиэтэ. Билсэр нүөмэргит: 8(4112)423007, 8(4112)423112) биллэриэххитин сөп.
Электроннай ньыманан сайабылыанньаны биэрэргэ төрөппүттэр (сокуоннай бэрэстэбиитэллэр):
1.Судаарыстыбаннай өҥө (Госуслуга) порталыгар регистрацияны ааһаллар (регистрацияламматах дьон)
- СӨ үөрэҕин өҥөтүн порталыгар анал кабинеттарыгар киирэллэр
- Муниципалитеты талаллар (ол эбэтэр Дьокуускай куорат уокуругун)
- Өҥөнү талаллар
- Ыйыллыбыт электроннай сайабылыанньаны толороллор уонна ыыталлар. Сайабылыанньаны ыытыах иннинэ тус информацияҕытын (персональнай информация) көрөллөрүгэр сөбүлэҥмитин биэрэбит диэн V бэлиэтин (“галочка”) туруоруохтааххыт.
- Анал кабинеккытыгар киирэн сайаапкаҕытын бэрэбиэркэлиэхтээххит.
Сайабылыанньаҕытын биэрэн баран, ыҥырбыт бириэмэлэригэр докумуоннаргытын туппутунан үөрэх тэрилтэтигэр тиийиэхтээххит (төлөпүөҥҥүтүгэр СМС иһитиннэрии кэлиэ эбэтэр сайаапка биэрбит киһи анал кэбиниэтигэр киирэн бэрэбиэркэлиэн сөп). Болҕойуҥ! Төлөпүөҥҥүт нүөмэрин сөпкө суруйуҥ.
Булгуччулаах ирдэнэр докумуоннар (оригинал):
1.Оҕо төрөөбүтүн туһунан сибидиэтэлистибэ.
2.Төрөппүттэн биирдэһин (сокуоннай бэрэстэбиитэл) тус бэйэтин туоһулуур докумуон.
3.Оҕо олорор сиринэн эбэтэр сыһыарыллыбыт сиригэр регистрациялааҕын туһунан сибидиэтэлистибэ, эбэтэр оҕо олорор сиринэн эбэтэр сыһыарыллыбыт сиригэр регистрацияламмытын туһунан сибидиэнньэлэри туоһулуур докумуон.
Өскөтүн төрөппүттэр (сокуоннай бэрэстэбиитэллэр) 2019 сыл тохсунньутугар СӨ үөрэҕин өҥөлөрүн edu.e-yakutia.ru порталын нөҥүө сайабылыанньаларын биэрбэтэх буоллахтарына, 2019 сыл олунньу 1 күнүттэн, сайабылыанньаларын оскуолаҕа бэйэтигэр илдьэн биэриэхтэрин сөп.
1 кылааска сурутуу сайабылыанньатын 2019 сыл от ыйын 1 күнүгэр диэри, оҕо булгуччу сыһыарыллыбыт территорияҕа олорор эбэтэр баарын туоһулуур регистрациялаах сиринэн бэриллэр. 2019 сыл от ыйын 1 күнүттэн маҥнайгы кылааска ханна миэстэ баарынан ылаллар.
“Саха сирэ” хаһыат, edersaas.ru
Мария ВАСИЛЬЕВА (СИА) хаартыскаҕа түһэриитэ.