“Дьокуускай куорат” куораттааҕы уокурук баһылыга Евгений Григорьев аатыттан Саҥа сыллааҕы бэлэҕи быйыл 5973 маҥнайгы кылаас үөрэнээччитэ тутуоҕа. Ити туһунан куорат үөрэҕин управлениетын саайтыгар иһитиннэрэллэр.
Урукку сылларга баччаларга Дьокуускай куорат оҕолоро Оҕо айымньытын дыбарыаһыгар остуоруйа аптаах дойдутугар киирэн тахсаллара. Дыбарыас үлэһиттэрэ үөрэнээччилэр көмөлөрүнэн остуоруйалары туруораллара. Кэлин дьаҥынан сибээстээн, ити үтүө үгэс онлайн көрүҥүнэн ыытыллар буолла. Быйыл 1 кылаас үөрэнээччилэригэр тэрээһин ахсынньы 21-27 күннэригэр ZOOM платформаҕа онлайн барар дэһэллэр. Оҕолорго «Новогодние приключения Пети Ивочкина или переполох в Муссландии» театрализованнай остуоруйаны көрдөрүөхтэрэ.
“Дьокуускай куорат” куораттааҕы уокурук баһылыга Евгений Григорьев аатыттан Саҥа дьыллааҕы бэлэҕи, уопсайа, 5973 маҥнайгы кылаас үөрэнээччитэ тутуоҕа. Төрөппүттэргэ (сокуоннай бэрэстэбиитэллэргэ) кылаас салайааччылара иһитиннэриэхтэрэ диэн этэллэр.
“Саха сирэ” хаһыат, edersaas.ru