Маҕарас олохтооҕо харыйаны баайыы оҥоһуктарынан киэргэтэр

Ааптар: 
15.12.2020
Бөлөххө киир:

Аҕыйах хонуктааҕыта батсаап ситимин нөҥүө баайыы оонньуурдарынан симэммит харыйа хаартыската, ону кытары “бу оонньуурдары Горнай улууһун Маҕарас нэһилиэгэр олорор Елена Кривошапкина баайар” диэн сонун тарҕаммыта. Биһиги Елена Кривошапкинаны кытта сибээстэстибит.

Бу сүрүн хаартыскаҕа баар баайыы оҥоһуктарга Елена Афанасьевнаҕа сыһыана суоҕун бүгүн биһиги сайтпыт нөҥүө үллэстэр:

— Мин өр сыл оскуола бибилэтиэкэтигэр үлэлээн биэнсийэҕэ тахсыбытым үс сыл буолла. Бочуоттаах сынньалаҥҥа барыахпыттан баайыынан үлүһүйбүтүм. Бэргэһэлэри, былааттары баайарым. Оттон харыйа оонньуурун бу аҕыйах хонуктааҕыта күрүчүөгүнэн саҥа баайан саҕалаабытым. Дьон сакаастыыр буолан бэйэбэр хаалбат. Хаалара буоллар харыйабын киэргэтэн хаартыскаҕа түһэриэм этэ.

Оттон бу батсаабынан тарҕаммыт харыйа оонньуурдара мин баайар оонньуурдарбар майгынныыллар эрээри, мин оҥоһуктарым буолбатахтар. Хасыһан билбитим, 2019 сыллаахха омук сиригэр түһэриллибит хаартыска эбит.

Олус нарын, ураты моһуоннаах оонньуурдары оҥорон таһаарар талааннаах Елена Кривошапкина илиитинэн баайбыт оҥоһуктара олус тупсаҕай сиэдэрэй сонун көстүүнү биэрэллэр.

+1
0
+1
0
+1
0
+1
0
+1
0
+1
0
+1
0