Маҕарас баһылыга ойуур баһаарын туһунан

Ааптар: 
Бөлөххө киир:

Горнай улууһун Маҕарас сэлиэнньэтин баһылыга Владимир Текеянов иһитиннэрбитинэн, «Бүлүү» федеральнай суол 130 км ойуур баһаарын умуруорууга нэһилиэктэн 10 киһи көмөлөһөр. 

«Бэрдьигэстээхтэн үс уу таһар массыына, биир улахан фекалка, «Урал» уонна баһаарынай массыына тиийэн үлэлии сылдьаллар. Ону таһынан, Дьокуускайтан икки баһаарынай массыына кэлбитэ», — диир Владимир Текеянов. Кини Маҕарастан 30 км сиргэ баар уот икки өртүттэн үөһээнэн барарын иһитиннэрбит.
Санатан эттэххэ, Экология министиэристибэтин иһитиннэриитинэн, Маҕарас таһыгар 5 уонна 21 №-дээх баһаардары умуруораллар. Тыал күүһүрэн, 5 №-дээх ойуур баһаара трасса устунан барбыт.
Баһаары утары Экология министиэристибэтиттэн ойуур баһаарын умуруорууга үлэлэһэр 64 баһаарынай уонна олохтоох нэһилиэнньэттэн 80 киһи, 19 тиэхиньикэ үлэлиир.
+1
0
+1
0
+1
0
+1
0
+1
0
+1
0
+1
0