Ньурба улууһун көһө сылдьар драматическай тыйаатырын оптуобуһа Горнай улууһун Маҕараһын аттыгар умайда. Оптуобуһунан уонтан тахса киһи Ньурба куоракка айаннаан испит. Дьолго, пассажирдар эмсэҕэлээбэтэхтэр эрээри, маллара-саллара барыта уокка былдьаммыт. Билигин хоромньуну ааҕыы барар. Тимир көлө бүтүннүү умайбыт. Баһаар мотуоруттан тахсыбыт диэн сабаҕалыыллар. https://edersaas.ru
Иван Петров, Горнай улууһун Маҕарас баһылыга:
— Оптуобус умайбытын туһунан бэҕэһээ киэһэ 9 чааска истибитим. Бүлүүлүүр суол 78-с км быһылаан тахсыбыт. Баһаарынайдар кэлэн умуруорбуттар этэ. Нэһилиэк дьаһалтатын уонна оскуола массыыналара тута көмөҕө диэн барбыттара. Оптуобус пассажирдара атын массыыналарга олорсон, Маҕарас кафетыгар кэлбиттэр этэ. Чэйдээн уоскуйа түһэн баран, атын тимир көлөлөрүнэн салгыы Ньурбалаабыттара.
+1
+1
+1
+1
+1
+1
+1