Дьиэҕэ олорор эрэсиими тутуһар кэмҥэ аҕам саастаахтар биир дойдулаахтарын болҕомтолоругар сылдьалларын истэ-истэ киһи үөрэр.
edersaas.ru
Горнай улууһун Маҥаны нэһилиэгин олохтооҕо, урбаанньыт биир дойдулаахтарыгар бэйэтин аатыттан бэлэх ууммутун туһунан «Горнай улууһун түмсүүтэ» уопсастыбаннай тэрилтэ салайааччыта Надежда Федорова бу курдук кэпсиир:
— Нэһилиэк олохтоохторун бурдук аһынан хааччыйар урбаанньыт Наталья Степанова Улуу Кыайыы 75 сылыгар «Эһиэхэ, күндү бэтэрээннэр, ис сүрэхтэн» диэн аахсыйаны тэрийэн, нэһилиэк аҕам саастаах 17 бэтэрээнигэр сэлиэһинэй бурдуктан астаммыт килиэп уонна сахалыы лэппиэскэ астаан туттарда.
Кырдьаҕастар ис сүрэҕиттэн анаан бэлэх ууммут Наталья Афанасьевнаҕа барҕа махталларын тиэртилэр.
Ийэ дойдуга бэриниилээх буолуу сылыгар хас биирдии киһи бу маннык үтүө дьыаланы бэйэтин баҕатынан оҥороро — хайҕаллаах суол.
Елена ПОТОЦКАЯ, «Cаха сирэ» хаһыат, edersaas.ru
Хаартыска Анастасия Максимова тиксэриитэ