Маҥаастар тыраахтарынан сылдьан Кыайыы күнүнэн эҕэрдэлээтилэр

Бөлөххө киир:

Үөһээ Бүлүү улууһун Маҥаас нэһилиэгэр хаһан баҕар буоларын курдук, халлаан, политика,  пандемия туругуттан тутулуга суох Улуу Кыайыы 75 сыллаах өрөгөйдөөх үбүлүөйүн өрө күүрүүлээхтик ылла.

edersaas.ru, Мария Иванова 

Ол курдук «Беларусь»  тыраахтарынан, хас да күн түспүт хаартан, ардахтан иҥнибэккэ, кулууптар ырыалаах-тойуктаах, хас биирдии тиэргэнтэн барбыт буойун аатын ааттаан, хас биирдии тыыл бэтэрээнин ахтан, сэрии сылын оҕолоругар бэлэхтээх нэһилиэкпитин эргийдибит.


Нэһилиэкпит дьоно-сэргэтэ Улуу Кыайыы күнүгэр хас биирдии олохтоох, кыратыттан кырдьаҕаһыгар тиийэ бэлэмнэнэн, түннүктэрин, тэлгэһэлэрин киэргэтэн, дьоннорун сырдык мөссүөннэрин хаартыскаларын стендэ да оҥостон, тутан да туран, уруйдаан-айхаллаан көрүстүлэр.

Техниканан хас биирдии ыал таһынан эҕэрдэлээн аастыбыт. Уһуннук көрсүспэтэх, дьиэҕэ олорор дьоммутугар анаан, олохтоох каналынан парады, кэнсиэртэри, урукку хаартыскалары, нэһилиэк бары кыттыбыт «Өйдөбүнньүк чүмэчи» акцияны көрдөрдүбүт. Киэһэ өттүгэр, 11 чааска, оскуола коллектива олохтоохторго Кыайыы Салютун бэлэхтээн ньиргиттэ.

⠀⠀ Мария Иванова, Маҥаас

Хаартыска  @admvervil

+1
0
+1
0
+1
0
+1
0
+1
0
+1
0
+1
0