Мэҥэ Хаҥалас улууһун саамай тэйиччи сытар Чыамайыкы нэһилиэгэр хамсык кэмигэр балаһыанньа хайдаҕый?
Ол туһунан нэһилиэк дьаһалтатын баһылыга Егор Михайлович Прокопьев бу курдук кылгастык кэпсээтэ:
— Биһиэхэ ковид ыарыы сэтинньи ыйга биллибитэ. Ковиды утары үлэ барар. Төһө да ыраах олордорбут, ирдэнэр бэрчээккинэн, маасканан, антисептигынан, рециркуляторынан хааччынан олоробут. Бөһүөлэкпитигэр икки чааһынай маҕаһыыннаахпыт. Олор харантыын биллэриэхпититтэн ыла аһы-үөлү, күннээҕигэ туһаныллар наадалаах малы-салы нэһилиэнньэттэн сайаапка хомуйан, дьиэлэригэр илдьэн биэрэллэр. Дьыссаат, оскуола тэйиччиттэн үлэлии олороллор. Аптекабыт суох да буоллар, эминэн хааччыллыыбыт үчүгэй. ФАП сайаапкатынан эми улуустан ыыталлар. Балыыһабытыгар икки үлэһиттээхпит. Биэлсэргэ төлөпүөнүнэн эрийэн, ыалдьыбыт киһи дьиэтигэр көрдөрөр, анаалыс биэрэр. Дьэ, ити курдук, хамсык кэмигэр тэринэн олоробут.
Бэлэмнээтэ Женни Стрюкова
Хаартыска: интэриниэттэн