Бэрээдэк Уопсастыба

Людмила Николаева ИДьМ уордьанынан наҕараадаланна

«Алмазэргиэнбаан» бырабылыанньатын бэрэссэдээтэлэ Людмила Николаева Россия ис дьыалаҕа уорганнарын бэтэрээннэрин сэбиэтин «За заслуги» диэн уордьанынан наҕараадаланна.

edersaas.ru

Бэтэрээннэр тэрилтэлэрин өйөөһүҥҥэ итиэннэ бэрээдэги бөҕөргөтүүгэ көмөлөһөр тэрилтэлэри, түмсүүлэри бэс ыйын 14 күнүгэр РФ Ис дьыалаҕа министиэристибэтин Бэтэрээннэрин сэбиэтин сүрүннүүр мунньахтарыгар бэлиэтээтилэр.

Бу үрдүк таһымнаах мунньах «Честь и доблесть» диэн Бүтүн Россиятааҕы уопсастыбаннай акция чэрчитинэн ыытылынна. Манна Россия ИДьМ-тын миниистирин көмөлөһөөччүтэ, коллегиятын чилиэнэ, Бэтэрээннэр сэбиэттэрин бэрэссэдээтэлэ, ис сулууспа генерал-полковнига Иван Шилов кытынна.

Иван Федорович бу мунньахха иһитиннэрбитинэн, бэтэрээннэр тэрилтэлэригэр дойду үрдүнэн 600 тыһыынчаттан тахса киһи баар, кинилэр буруйу оҥорууну сэрэтиигэ, наставниктааһыҥҥа көхтөөхтүк кытталлар. Сылга 20 тыһыынчаттан тахса буруй астаапкаҕа сылдьар урукку милииссийэ үлэһиттэрин көмөтүнэн арыллаллар.

Генерал бэлиэтээбитинэн, Саха сиригэр бэтэрээннэр түмсүүлэрэ былаас, уопсастыбаннас уонна тэрилтэлэр салайааччыларын өттүттэн өйөбүллээхтэр.

«ИДьМ бэтэрээннэрин сэбиэтин «За заслуги» уордьана — үрдүк наҕараада. Бу наҕараада бэтэрээннэр тэрилтэлэригэр болҕомто ууруу уонна көхтөөхтүк кыттыы, бэтэрээннэр социальнай көмүскэллээх буолууларыгар көмөлөһүү, ыччат ортотугар бэрээдэги кэһиини өйдөтүү-сэрэтии, ону тэҥэ, полиция эдэр сотрудниктарын уонна үөрэнээччилэри сиэр-майгы өттүнэн иитиигэ тус кылааты киллэрии иһин бэриллэр.

«Алмазэргиэнбаан» кэккэ сыллар усталарыгар «Выпускник», «Детство без границ», «Рысь», «Финансовая грамотность», «Корпоративное волонтерство» уонна «Ветеран» диэн социальнай бырайыактары олоххо киллэрэр.

Бу туһунан ЯСИА иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: ЯСИА.

0
1
Telegram @edersaas20

Добавить комментарий