От ыйын ортото буолан, дьон-сэргэ тиэргэнигэр, даачатыгар олордубут үүнээйилэрэ, сирдэрин аһа номнуо силигилээн, ас биэрэрин сэргэ, киһи хараҕын сылаанньыталлар.
edersaas.ru
Ол да иһин, дьиэлээх хаһаайыттар бэйэлэрин тиэргэннэрин сылтан сыл аайы тупсарарга, туох эрэ туһалааҕы, тупсаҕайы оҥорорго кыһаллаллар. Онуоха, наадалаах матырыйааллар маҕаһыыннарга атыыланаллар. Этэргэ дылы, тобулуоххун уонна ону олоххо киллэрэргэ дьулуһуоххун эрэ наада.
Хатаска олорор Фатина уонна Валентин Константиновтар аҕалара быйыл араас тимиртэн лыах быһыылаах сибэкки уурары оҥорон, ыаллара үөрэ-көтө атыыластылар, сороҕун аймахтарыгар бэлэхтээтилэр. Биир лыах оҥоһукка 10 кашпо угуллар. Бу хаһаайка уу кутарыгар да табыгастаах уонна лыахтан сибэккилэр тахсан эрэллэрин курдук кэрэ көстүү эбээт!
Аны хаһаайын сотовай поликарбонат диэн матырыйаалы хото туттар. Бу матырыйаал туох туһалааҕын ыйыталаспыппар:
«Улаханнык быыллыйбат. Уунан ыстаран кэбиһэҕин, кырааскалыы сатаабаккын, икки өттө биир өҥнөөх. Көрөргө да кыраһыабай, – диэн кэпсии-кэпсии хаһаайыстыбатын астына көрдөрдө.
Надежда ЕГОРОВА, «Саха сирэ» хаһыат, edersaas.ru