СӨ ыччат дьыалатыгар уонна дьиэ кэргэн бэлиитикэтигэр миниистиринэн Ил Дархан Егор Борисов бүгүн Иван Луцканы анаата.
Бу иннинэ Иван Луцкан Саха Өрөспүүбүлүкэтин гражданскай уобсастыба институттарын сайдыытын миниистирин бастакы солбуйааччытынан үлэлээбитэ. 1985 сыллаахха Дьокуускайга төрөөбүтэ. 8-с №-дээх гимназияны үрүҥ көмүс мэтээлинэн бүтэрбитэ. 2007 сыллаахха М.К. Аммосов аатынан СГУ медицинэҕэ үнүстүтүүтүн ситиһиилээхтик бүтэрбитэ. 2014 сыллаахха Арассыыйатааҕы норуот хаһаайыстыбатын уонна судаарыстыбаннай сулууспа академиятын бүтэрэн, «Судаарыстыбаннай уонна муниципальнай салайыы» идэтин ылбыта. 2013 сыллаахха «Уопсастыба доруобуйата уонна доруобуйа харыстабыла» диэн тиэмэҕэ диссертациятын көмүскээн, медицина наукатын хандьыдаата буолбута.
2007-2009 — М.К. Аммосов аатынан Саха Судаарыстыбыннай үнүбүрсүтүөтүн педиатрия кафедратын ординатор-бырааһа.
2008-2009 — Дьокуускай к. мэр көмөлөһөөччүтэ.
2012-2013 — 5-с №-дээх поликлиника кылаабынай бырааһын солбуйааччы.
2013-2016 — Жатай балыыһатын салайааччыта.
2016-2018 — СӨ гражданскай уопсастыба институттарын сайдыытын миниистирин бастакы солбуйааччыта.
Санатан эттэххэ, СӨ ыччат дьыалаларын уонна дьиэ кэргэн бэлиитикэтин миниистирэ Афанасий Владимировы Ил Дархан уонна бырабыыталыстыба ис бэлиитикэтин департаменын салайааччытынан анаммыта.
Николай ПОПОВ, «Саха сирэ» хаһыат, edersaas.ru