ЛОРП бааржалара массыыналары Аллараа Бэстээххэ туоратар буолуохтара

Ааптар: 
Бөлөххө киир:

Алтынньы 16 күнүттэн Дьокуускай — Аллараа Бэстээх — Дьокуускай маршрутунан массыыналары Даркылаахтан ЛОРП аппареллаах бааржаларынан таһыахтара. 


Муус туруута, массыыналары «Жатай-1» бааржанан, ледокол уонна буксир аргыстаах таһыахтара. Билигин бааржаны үлэҕэ бэлэмнии сылдьаллар. Өлүөнэ уҥа биэрэгэр массыыналар тахсар сирдэрин оҥоруу үлэтэ бара турар.

«Бааржа үлэтин саҕалыыра халлаан туругуттан уонна Өлүөнэ мууһа турарыттан тутулуктаах. Билигин массыыналары туоратар биригээдэни хомуйа сылдьабыт»,-диэн ЛОРП контейнердары таһар отделын салайааччыта Игорь Синяев биллэрдэ.

ЛОРП бааржалара сэтинньи бүтүөр диэри үлэлиэхтэрэ.

Санатан эттэххэ, Өлүөнэҕэ паром сырыыта алтынньы 16-18 күннэригэр тохтуоҕа.

Николай ПОПОВ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0