Маны аах Уопсастыба

Локдаун уһуо дуо?

Өрөспүүбүлүкэтээҕи суһал ыстаап эпидемиологическай балаһыанньаны үөрэтэн көрөн баран, быһаарыныы ылыныаҕа.

Бэҕэһээ Новгород уобалаһыгар локдаун уһаабытын туһунан сонун кэлбитэ. Биһиги сыыппаралары, баар чахчылары үөрэтэн көрө иликпитинэ, быһаарыныы ылыныахпыт суоҕа. Билиҥҥитэ эрдэ дии саныыбыт, — диэн суһал ыстаап салайааччытын солбуйааччы Ольга Балабкина эттэ.

Владимир Путин алтынньы 30 күнүттэн сэтинньи 8 күнүгэр диэри уһун өрөбүл күннэри биллэрбитэ. Санатар буоллахха, эрэгийиэннэр бэйэлэрэ уһатар туһунан быһаарыныыны ылынар кыахтаахтар.

Бу күннэргэ вакцинация хаамыыта 70%-ҥа тиийдэҕинэ, харантыын уһуллуон сөп диэн этэллэр. Билиҥҥи туругунан, өрөспүүбүлүкэҕэ улахан дьон 55%-на быһыыны ылбыта (Дьокуускайга – 62%).

Роспотребнадзор” салайааччыта Анна Попова этэринэн, харантыыҥҥа ылыллыбыт миэрэлэр көдьүүстэрэ тута көстүбэт, инкубация (ыарыыга сыстыһыы кэмэ) бириэмэтэ ааспытын кэннэ, дьэ, көстүөхтээхтэр.

Ангелина Васильева, “Саха сирэ” хаһыат, edersaas.ru

Хаартыска: chgtrk.ru

0
1
Telegram @edersaas20